ദേശീയ പതാകയുടെ വില്‍പ്പനയും വിതരണവും സുഗമമായി നടപ്പാക്കുന്നതിന് അവധി ദിവസങ്ങളായ ഓഗസ്റ്റ് ഒന്‍പത്, 14 തീയതികളില്‍ പോസ്റ്റ് ഓഫീസുകളില്‍ പ്രത്യേക ക്രമീകരണം ഒരുക്കാന്‍ കേന്ദ്രസര്‍ക്കാര്‍ നിര്‍ദേശിച്ചിട്ടുണ്ട്. രാജ്യമൊട്ടാകെയുള്ള എല്ലാ പോസ്റ്റ് ഓഫീസുകള്‍ക്കും ഇത് ബാധകമാണ്. ഇതിനായി കുറഞ്ഞത് ഒരു കൗണ്ടര്‍ എങ്കിലും തുറക്കാനും നിര്‍ദേശത്തില്‍ പറയുന്നു.
വില്‍പ്പനയ്ക്കായി ആറുലക്ഷത്തിലധികം ദേശീയ പതാകകളാണ് പോസ്റ്റ് ഓഫീസുകളെ ഏല്‍പ്പിച്ചിരിക്കുന്നത്. ഇതില്‍ രണ്ടുലക്ഷത്തിലധികം പതാകകള്‍ വിറ്റഴിച്ചതായാണ് റിപ്പോര്‍ട്ടുകള്‍.
