കരവാരം: തൊഴിലുറപ്പ് പദ്ധതി അട്ടിമറിക്കാനുള്ള കേന്ദ്ര സർക്കാർ നീക്കത്തിനെതിരെ എൻ.ആർ.ഇ.ജി വർക്കേഴ്സ് യൂണിയന്റെ നേതൃത്വത്തിൽ കരവാരം പഞ്ചായത്ത് ഓഫീസിന് മുന്നിൽ സത്യഗ്രഹ സമരം സങ്കടിപ്പിച്ചു. ആറ്റിങ്ങൽ മുൻ എം.എൽ.എ യും സി.പി.ഐ (എം) തിരുവനന്തപുരം ജില്ലാ കമ്മറ്റി അംഗവും ആയ അഡ്വ. ബി സത്യൻ സത്യഗ്രഹ സമരം ഉദ്ഘാടനം ചെയ്തു. ഒരു വർഷം 100 തൊഴിൽ ദിനം നൽകാമെന്നിരിക്കെ കേന്ദ്ര സർക്കാർ വെട്ടിക്കുറച്ച് ഒരു പഞ്ചായത്തിൽ 20 വർക്കുകളായി നിജപ്പെടുത്തുകയും, കേരളം സമർപ്പിച്ച പ്രോജക്ട് അംഗികരിക്കാതിരിക്കുകയും ചെയ്ത നടപടിക്കെതിരായാണ് കഴിഞ്ഞ ദിവസം രാവിലെ മുതൽ പഞ്ചായത്ത് ഓഫീസിനു മുന്നിൽ തൊഴിലുറപ്പ് തൊഴിലാളികൾ സത്യാഗ്രഹം ആരംഭിച്ചത്.യൂണിയൻ പ്രസിഡന്റ് എസ് സുരേഷ് കുമാർ അധ്യക്ഷത വഹിച്ചു.കെ. ബേബി ഗിരിജ സ്വാഗതം പറഞ്ഞു.കെ. സുഭാഷ്, എം കെ രാധാകൃഷ്ണൻ,എസ്. എം റഫീഖ്, പി കൊച്ചനിയൻ, ലോകേഷ്, സജീർ രാജകുമാരി, ഫാൻസി വിഷ്ണു, ബൈജു തുടങ്ങിയവർ ആശംസകൾ അർപ്പിച്ചു സംസാരിച്ചു. സലീന ചന്ദ്രൻ പരിപാടിയിൽ നന്ദിയും രേഖപ്പെടുത്തി.
