ആശുപത്രിയിൽ എത്തിയ മകനെ കാണാതായതിനെ തുടർന്നു തിരക്കി നടന്ന അമ്മയാണ് കോട്ടയം മെഡിക്കൽ കോളേജ് ആശുപത്രി വളപ്പിനുള്ളിൽ നിർത്തിയിട്ടിരുന്ന കാറിനുള്ളിൽ മകനെ കണ്ടെത്തിയത്. ഉള്ളിൽനിന്ന് ലോക്ക് ചെയ്ത കാറിനുള്ളിൽ കമഴ്ന്നു കിടന്ന നിലയിലായിരുന്നു മൃതദേഹം. തുടർന്ന് സെക്യൂരിറ്റി ജീവനക്കാരും ആംബുലൻസ് ജീവനക്കാരും ചേർന്നു വിവരം ഗാന്ധിനഗർ പൊലീസിൽ അറിയിച്ചു. ഗാന്ധിനഗർ എസ്എച്ച്ഒ കെ.ഷിജിയുടെ നേതൃത്വത്തിലുള്ള പൊലീസ് സംഘം സ്ഥലത്ത് എത്തി കാറിന്റെ ലോക്ക് തകർത്ത് മൃതദേഹം പുറത്തെടുത്തു.
അച്ഛനും അമ്മയും ആശുപത്രിക്കുള്ളിൽ കയറിയപ്പോൾ മകൻ കാറിനുള്ളിൽ ഇരിക്കുകയായിരുന്നെന്ന് അമ്മ പറഞ്ഞു. ഏറെ നേരമായിട്ടും കാണാതെ വന്നതോടെയാണ് തിരക്കി എത്തിയത്. മോർച്ചറിക്കു സമീപം പാർക്ക് ചെയ്തിരുന്ന കാറിനുള്ളിലായിരുന്നു മൃതദേഹമെന്നും അമ്മ മൊഴി നൽകി. പോസ്റ്റ്‌മോർട്ടം, ഇൻക്വസ്റ്റ് അടക്കമുള്ള നടപടികൾക്കായി മൃതദേഹം അത്യാഹിത വിഭാഗത്തിലേക്കു മാറ്റി.
