ക്രൈം ഓണ്‍ലൈന്‍ മാനേജിങ് ഡയറക്ടര്‍ ടി പി നന്ദകുമാറിനെതിരേ (ക്രൈം നന്ദകുമാര്‍) പരാതി നല്‍കിയ അടിമാലി സ്വദേശിനിയുടെ പരാതിയില്‍ തന്നെയാണ് സൂരജിനെതിരേയും കേസെടുത്തിരിക്കുന്നത്. സ്ത്രീത്വത്തെ അപമാനിച്ചതിനു പുറമേ പട്ടികജാതി-പട്ടികവര്‍ഗ അതിക്രമ നിരോധന നിയമത്തിലെ വകുപ്പുകളും ഉള്‍പ്പെടുത്തിയിട്ടുണ്ട്. സൂരജിനെ അന്വേഷിച്ച്‌ പാലായിലെ വീട്ടില്‍ പൊലീസ് എത്തിയെങ്കിലും അറസ്റ്റ് ചെയ്യാനായില്ല.
ക്രൈം നന്ദകുമാറിനെതിരേ പരാതി നല്‍കിയ യുവതിയെക്കുറിച്ച്‌ മോശമായി വിഡിയോ ചിത്രീകരിച്ച്‌ അവതരിപ്പിക്കുകയായിരുന്നു സൂരജ്. ഇതേ തുടര്‍ന്നാണ് യുവതി പരാതി നല്‍കിയത്.
