കമ്പനിയിലെ ഒന്‍പതംഗസംഘമാണ് കഴിഞ്ഞ ദിവസം ഊട്ടിയില്‍ വന്നത്. ഇവര്‍ കല്ലട്ടിയിലെ ഒരു കോട്ടേജില്‍ മുറിയെടുത്തു. ശനിയാഴ്ച വൈകീട്ട് കല്ലട്ടി ചുരത്തിലെ ഇരുപതാം വളവിനോട് ചേര്‍ന്നുള്ള പുഴയോരത്ത് ഉല്ലസിക്കവെ യുവതി പുഴയിലേക്ക് വഴുതിവീഴുകയായിരുന്നു.
അഗ്‌നിശമനസേന തിരച്ചില്‍ നടത്തിയെങ്കിലും കണ്ടെത്താന്‍ കഴിഞ്ഞില്ല. രാത്രിയായതോടെ തിരച്ചില്‍ നിര്‍ത്തി. ഞായറാഴ്ച രാവിലെ വീണ്ടും തിരച്ചില്‍ നടത്തുന്നതിനിടെയാണ് പുഴയില്‍നിന്ന് വിനീതയുടെ മൃതദേഹം കണ്ടെത്തിയത്. പുതുമന്ത് പോലീസ് കേസെടുത്തു.
