10 മുതൽ 15 വയസ്സുവരെയുള്ള പെൺകുട്ടികൾക്കാണ് പരിശീലനം. മാനസിക-ശാരീരിക ആരോഗ്യം മെച്ചപ്പെടുത്തുക, അതിക്രമങ്ങളെക്കുറിച്ചു ബോധവത്ക്കരണം നൽകുക, സ്വയരക്ഷ ഉറപ്പാക്കുക തുടങ്ങിയവയാണ് പ്രധാന ലക്ഷ്യങ്ങൾ.
കരാട്ടെ, കളരിപ്പയറ്റ്, തയ്‌ക്കൊണ്ടോ തുടങ്ങിയവയിലാണ് പരിശീലനം.
അതത് തദ്ദേശ സ്ഥാപനങ്ങളിലെ കൗമാര ക്ലബ്ബുകൾ വഴി പ്രാഥമിക അന്വേഷണം നടത്തി തയാറാക്കിയ പട്ടികയിൽനിന്ന് ജില്ലാ ചൈൽഡ് പ്രൊട്ടക്ഷൻ ഓഫിസറുടെ നേതൃത്വത്തിലുള്ള സമിതിയാണ് പരിശീലനത്തിന് പെൺകുട്ടികളെ തിരഞ്ഞെടുക്കുന്നത്.
രക്ഷിതാക്കളെ നഷ്ടമായവർ, അതിക്രമങ്ങൾക്ക് ഇരയായവർ, അരക്ഷിത സാഹചര്യങ്ങളിൽ ജീവിക്കുന്നവർ തുടങ്ങിയവർക്കാണ് മുൻഗണന.
ആഴ്ചയിൽ രണ്ടു ദിവസം രണ്ടു മണിക്കൂർ വീതമാണ് പരിശീലനം. അതത് തദ്ദേശ സ്ഥാപനങ്ങളിലെ സൗകര്യപ്രദമായ സ്ഥലങ്ങളിലാണ് പരിശീലനം നൽകുക.
ജില്ലാതലത്തിലോ പ്രാദേശിക തലത്തിലോ ആയോധനകലകൾ അഭ്യസിപ്പിക്കുന്ന പരിശീലകർ, സംഘടനകൾ, പോലീസ് വകുപ്പിൽ പരിശീലനം ലഭിച്ചവർ തുടങ്ങിയവരിൽ നിന്നാണ് ധീരയിലേക്ക് പരിശീലകരെ കണ്ടെത്തുന്നത്.
