ശനിയാഴ്ച ഉച്ചയ്ക്ക് പന്ത്രണ്ടേമുക്കാലോടെ രാമന്‍കുളങ്ങര മേടയില്‍മുക്കിനു സമീപത്തായിരുന്നു അപകടം.സുധീറാണ് ബൈക്ക് ഓടിച്ചിരുന്നത്. കൊല്ലം ഭാഗത്തേക്ക് പോകുകയായിരുന്ന ഇവര്‍ സഞ്ചരിച്ച ബൈക്ക് മേടയില്‍മുക്കിനുസമീപം വാഹനങ്ങള്‍ കുരുക്കില്‍പ്പെട്ടതോടെ മറികടക്കാന്‍ ശ്രമിക്കവേയാണ് നിയന്ത്രണംവിട്ട് എതിര്‍ദിശയില്‍ വന്ന കെ.എസ്.ആര്‍.ടി.സി. വേണാട് ബസ്സുമായി ഇടിച്ചത്.
ഇടിക്കുന്നതിനു മുമ്പുതന്നെ നിയന്ത്രണംവിട്ട ബൈക്കില്‍നിന്ന് പിന്നിലിരുന്ന ഷഹന്‍ഷാ റോഡിലേക്ക് തെറിച്ചുവീണിരുന്നു.തൊട്ടുപിന്നിലുണ്ടായിരുന്ന കാറിനു മുന്നിലേക്കാണ് ഇരുവരും വീണത്.
