സ്‌കൂള്‍ ബസ് ജീവനക്കാരുടെ വിശദാംശങ്ങള്‍ സംബന്ധിച്ച സാക്ഷ്യപത്രം അതാത് സ്‌കൂള്‍ അധികാരികള്‍ പോലീസില്‍ ഹാജരാക്കണം. സ്വകാര്യ ബസ്സുകളില്‍ കുട്ടികളെ കയറ്റാത്തതും സീറ്റുകളില്‍ ഇരുത്താത്തതും സംബന്ധിച്ചുമുള്ള പരാതികളും ഗൗരവമായി കാണും. ഇത് നേരിട്ട് വിലയിരുത്താന്‍ മഫ്തി പോലീസിനെ ബസ്സുകളിലും സ്‌കൂള്‍ കവാടങ്ങളിലും സ്റ്റാന്‍ഡുകളിലും നിയോഗിക്കും. സ്‌കൂള്‍,കോളേജ് വിദ്യാര്‍ത്ഥികളുടെ യാത്ര സംബന്ധമായും മറ്റുമുള്ള പരാതികള്‍ പരിഹരിക്കുന്നതിന് അടിയന്തിര ശ്രദ്ധ കൊടുക്കാന്‍ എസ്.എച്ച്‌.ഒമാര്‍ക്ക് എ.എസ്.പി നിര്‍ദേശം നല്‍കിയിട്ടുണ്ട്. സ്വകാര്യ ബസ്സുകളുടെയും സ്‌കൂള്‍ വാഹനങ്ങളുടെയും ജീവനക്കാരില്‍ നിന്ന് ഏതെങ്കിലും തരത്തിലുള്ള മോശം അനുഭവം ഉണ്ടായാല്‍ അപ്പോള്‍ത്തന്നെ സ്‌കൂള്‍ അധികാരികളെയോ മാതാപിതാക്കളെയോ അറിയിക്കണം. അവര്‍ ഇക്കാര്യം മറച്ച്‌ വയ്ക്കാതെ അതത് പോലീസ് അധികാരികളെയും അറിയിക്കണം.
