അമിത വേഗതയിൽ എത്തിയ കാർ നിയന്ത്രണം വിട്ട് എതിർദിശയിൽ കൂടി വരുകയായിരുന്ന ടിപ്പറിലും സമീപത്തെ മരത്തിലും ഇടിച്ച ശേഷം ഉയർന്ന് പൊങ്ങി മറ്റൊരു കാറിന് മുകളിൽ വീഴുകയായിരുന്നു എന്ന് ദൃക്സാക്ഷികൾ പറഞ്ഞു. കാറ്റിൻ്റെ പുറകുവശത്തെ സീറ്റിൽ ഇരുന്നവർ തെറിച്ച് റോഡിൽ വീഴുകയായിരുന്നു. മുൻ സീറ്റിൽ ഉണ്ടായിരുന്നവരെ അഗ്നിശമന സേനയും നാട്ടുകാരും ചേർന്ന് വാഹനം വെട്ടിപ്പൊളിച്ച് പുറത്തെടുക്കുകയായിരുന്നു. തുടർന്ന് നാല് പേരെയും വെഞ്ഞാറമൂട് ഗോകുലം മെഡിക്കൽ കോളേജിൽ പ്രവേശിപ്പിച്ചെങ്കിലും യദുവിൻ്റെ ജീവൻ രക്ഷിക്കാനായില്ല. ഗുരുതരമായി പരിക്കേറ്റ മറ്റ് മൂന്ന് പേർക്കും പ്രാഥമിക ശുശ്രൂഷ നൽകിയ ശേഷം തിരുവനന്തപുരം മെഡിക്കൽ കോളേജ് ആശുപത്രിയിലേയ്ക്ക് മാറ്റി. കിളിമാനൂർ പൊലീസ് മേൽനടപടികൾ സ്വീകരിച്ചു.
