പത്താംക്ലാസ് വിദ്യാർഥിനിയുടെ പിന്നാലെ പ്രണയ അഭ്യർത്ഥനയുമായി നടന്ന് ശല്യം ചെയ്ത പൂവാലനെ ഏരൂർ പോലീസ് അറസ്റ്റ് ചെയ്തു. ഏരൂർ തെക്കേ വയൽ ബിനു വിലാസത്തിൽ വിനോദ് (26) നെ യാണ് ഏരൂർ എസ് ഐ ശരലാൽ അറസ്റ്റ് ചെയ്തത്. പെൺകുട്ടി പോകുന്ന വഴിയിലെല്ലാം കാത്തു നിന്നുള്ള ശല്യം അസഹ്യമായപ്പോൾ കുട്ടി വീട്ടിൽ അറിയിച്ചതിനെതുടർന്ന് പെൺകുട്ടിയുടെ ചെറിയച്ഛൻ വിനോദിനെ താക്കീത് ചെയ്തിരുന്നു. ശല്യം വീണ്ടും തുടർന്നപ്പോഴാണ് പോലീസിൽ പരാതി നൽകിയത്. ഏരൂർ എസ് ഐ ശരലാൽ, ഗ്രേഡ് എ എസ് ഐ ശിവപ്രസാദ്, സീനിയർ സിവിൽ പോലീസ് ഓഫീസർ അനിൽകുമാർ, സിവിൽ പോലീസ് ഓഫീസർ രാജീവ് എന്നിവർ ചേർന്ന് പിടികൂടി പോക്സോ നിയമം ചുമത്തി കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു.
