വെള്ളിയാഴ്ച പുലര്‍ച്ചെ രണ്ടുമണിയോടെയായിരുന്നു സംഭവം. പ്രതിയായ മുകേഷ്, സുശീലയുടെ സഹോദരിയുടെ മകനാണ്. കുടുംബവഴക്കാണ് ആക്രമണത്തിന് കാരണമായതെന്നാണ് പോലീസ് നല്‍കുന്നവിവരം. വെട്ടേറ്റ് ഇന്ദ്രജിത്തിന്റെ രണ്ട് കൈവിരലുകള്‍ അറ്റുപോയിട്ടുണ്ട്.
പ്രതിയായ മുകേഷിന്റെ പ്രണയം എതിര്‍ത്തതാണ് ആക്രമണത്തിന് കാരണമായതെന്ന് ബന്ധുവായ കുമാരനും പ്രതികരിച്ചു. മുകേഷിന് മാതൃസഹോദരിയുടെ മകളുമായി അടുപ്പമുണ്ടായിരുന്നു. സഹോദരങ്ങളായതിനാല്‍ ഈ ബന്ധത്തെ വീട്ടുകാര്‍ എതിര്‍ത്തു. ഇതാകാം ആക്രമണത്തിന് കാരണമായതെന്നും അമ്മാവനായ കുമാരന്‍ പറഞ്ഞു.
