കൊള്ളക്കാരുടെ തിരിച്ചുവരവെന്ന് മുന്‍മന്ത്രി ഫവാദ് ചൗധരിയുടെ ട്വീറ്റ്. വോട്ടെടുപ്പിന് മുന്‍പേ സ്പീക്കറും ഡപ്യൂട്ടി സ്പീക്കറും രാജിവച്ചു. ഇതേ തുടർന്ന് മുൻ പ്രതിപക്ഷ നേതാവ് അയാസ് സാദിഖിന് സ്പീക്കറുടെ പകരം ചുമതല നൽകി. അവിശ്വാസവോട്ടെടുപ്പ് നടത്താത്തതിനെതിരെ കോടതിയലക്ഷ്യ ഹര്‍ജി പരിഗണിക്കാനിരിക്കുന്നതിനിടെയാണ് നാടകീയ നീക്കം. നാഷണല്‍ അസംബ്ലിക്ക് പുറത്ത് വന്‍ സൈനിക സന്നാഹമാണ്. പാക്കിസ്ഥാനിലെ വിമാനത്താവളങ്ങളില്‍ അതീവ ജാഗ്രതാ നിര്‍ദേശം നൽകി. സര്‍ക്കാര്‍ ഉദ്യോഗസ്ഥര്‍ രാജ്യം വിടുന്നത് തടഞ്ഞു.
