തിരുവനന്തപുരം ഭാഗത്തേക്ക് വന്ന കെഎസ്ആർടിസി മിന്നലും എതിർ ദിശയിൽ വന്ന തടി ലോറിയുമാണ് കൂട്ടിയിടിച്ചത്. തടി ലോറിയെ ഓവർടേക്ക് ചെയ്തു വന്ന ആംബുലൻസിന്റെ ബാക്കിൽ തട്ടിയ ശേഷം തടി ലോറിയുമായി കൂട്ടിയിടിക്കുകയായിരുന്നു. രോഗിയെ കൊണ്ടാക്കിയ ശേഷം മടങ്ങി വന്ന ആംബുലൻസിന്റെ പിൻഭാഗത്താണ് ബസ് തട്ടിയത്. തുടർന്ന് ലോറിയുടെ സൈഡിലും ഇടിക്കുകയായിരുന്നുവെന്ന് പോലീസ് ആറ്റിങ്ങൽ വാർത്ത ഡോട്ട് കോമിനോട് പറഞ്ഞു. അപകടത്തിൽ പരിക്കേറ്റ ഡ്രൈവറും കണ്ടക്ടറും ഉൾപ്പെടെ 6 പേരെ പാരിപ്പള്ളി മെഡിക്കൽ കോളേജ് ആശുപത്രിയിലും ഗുരുതര പരിക്കേറ്റ യാത്രക്കാരിൽ ഒരാളെ തിരുവനന്തപുരം മെഡിക്കൽ കോളേജ് ആശുപത്രിയിലും പ്രവേശിപ്പിച്ചു. കല്ലമ്പലം പോലീസ് തുടർ നടപടികൾ സ്വീകരിച്ചു.
