ശാർക്കര : ശാർക്കര മീനഭരണി ഉത്സവത്തിന് ശനിയാഴ്ച കൊടിയേറി. ഭക്തിനിർഭരമായ അന്തരീക്ഷത്തിൽ രാവിലെ 9-നും 9.30-നും മധ്യേയുള്ള ശുഭമുഹൂർത്തത്തിൽ ക്ഷേത്രതന്ത്രി നെടുമ്പള്ളി മന തരണനെല്ലൂർ സജി ഗോവിന്ദൻ നമ്പൂതിരിപ്പാടിന്റെയും ക്ഷേത്ര മേൽശാന്തി ചിറക്കര നന്ദനമഠം പ്രേംകുമാർ പോറ്റിയുടെയും മുഖ്യകാർമികത്വത്തിൽ സ്വർണധ്വജത്തിലാണ് കൊടിയേറ്റിയത്.
രണ്ടാം ഉത്സവദിനമായ ഞായറാഴ്ച രാവിലെ 4-ന് പള്ളിയുണർത്തൽ, 4.30-ന് നിർമാല്യ ദർശനം, 5-ന് മഹാഗണപതി ഹോമം, 6-ന് ഉഷപൂജ, 8-ന് ശ്രീഭൂതബലി എഴുന്നള്ളത്ത്, 8.30-മുതൽ 4-വരെ ശ്രീ മഹാദേവി ഭാഗവത പാരായണം, 11.30-ന് കളഭാഭിഷേകം, വൈകീട്ട് 4-ന് ഓട്ടൻതുള്ളൽ, 5-ന് പഞ്ചാരിമേളം, 5.30-ന് കാഴ്ചശ്രീബലി എഴുന്നള്ളത്ത്, 6.30-ന് ദീപാരാധന, 6.45-ന് സംഗീതസദസ്സ്, 7.30-ന് അത്താഴപൂജ, 8.30-ന് ശ്രീഭൂതബലി എഴുന്നള്ളത്ത്, 9.30-ന് ഗാനമേള
