ആറ്റിങ്ങൽ: അയിലം റോഡിൽ ബോയിസ് ഹയർസെക്കൻഡറി സ്കൂളിന് സമീപം എപിഎസിക്ക് മുൻവശത്തായി ഇരുചക്ര വാഹനം അപകടത്തിൽപ്പെട്ട് യുവാവിന് ഗുരുതര പരിക്ക്. കല്ലമ്പലം 28-ാം മൈൽ അശ്വതി ഭവനിൽ ആദർശ്(25)നാണ് അപകടത്തിൽ തലക്ക് ഗുരുതര പരിക്ക് സംഭവിച്ചത്. ആറ്റിങ്ങൽ അയിലം റോഡിൽ എപിഎസിക്ക് എതിർവർത്തുള്ള മതിലിൽ ആദർശ് ഓടിച്ചു വന്ന ഇരുചക്ര വാഹനം ഇടിച്ചാണ് അപകടം സംഭവിച്ചതെന്ന് കണ്ടുവന്നവർ പറഞ്ഞു.പരിക്കേറ്റ ആദർശിനെ വഴിയാത്രക്കാർ ആറ്റിങ്ങൽ താലൂക്ക് ആശുപത്രിയിൽ എത്തിച്ചു. എന്നാൽ തലക്ക് ഗുരുതരമായി പരിക്കേറ്റ ആദർശിനെ അവിടെ നിന്ന് മെഡിക്കൽ കോളേജിലേക്ക് മാറ്റി.അവനവഞ്ചേരി പോയിൻറ് മുക്കിൽ പ്രവർത്തിക്കുന്ന വെൽഡിങ് വർക്ക്ഷോപ്പ് ജീവനക്കാരനാണ് പരിക്കേറ്റ ആദർശ്. ജോലി കഴിഞ്ഞ് വീട്ടിലേക്ക് മടങ്ങുന്ന വഴി രാത്രി 10 മണിയോടുകൂടിയാണ് അപകടം സംഭവിച്ചത്.
