ശുചിത്വ മിഷനും ബ്ലോക്ക് പഞ്ചായത്തും സംയുക്തമായി 32 ലക്ഷം രൂപ ചെലവഴിച്ചാണ് ആര്‍.ആര്‍.എഫ് സെന്റര്‍ നിര്‍മ്മിക്കുന്നത്. ബ്ലോക്ക് പഞ്ചായത്തിലെ എല്ലാ വാര്‍ഡുകളില്‍ നിന്നും ഹരിതകര്‍മ്മസേന ശേഖരിക്കുന്ന പ്ലാസ്റ്റിക്ക് മാലിന്യങ്ങള്‍ ആര്‍.ആര്‍.എഫില്‍ നേരിട്ട് എത്തിക്കും.
തുടര്‍ന്ന് മാലിന്യം ശാസ്ത്രീയമായി പരിവര്‍ത്തനം ചെയ്ത് ചെറിയ കണികകളാക്കി റോഡ് ടാറിങ്ങിനുള്‍പ്പെടെ പുനരുപയോഗിക്കാനാണ് പഞ്ചായത്ത് ലക്ഷ്യമിടുന്നത്. ഇതോട് അനുബന്ധിച്ച് പത്ത് പേര്‍ക്ക് സെന്ററില്‍ തൊഴില്‍ അവസരം ലഭിക്കുമെന്നും ബന്ധപ്പെട്ടവർ അറിയിച്ചു.
