‘ശബ്ദം ഇല്ലാത്ത ഞാന്‍ ഞാനേ അല്ല എന്നതാണ് ശബ്ദം നഷ്ടപ്പെട്ടിരിക്കുന്ന ഈ സാഹചര്യത്തില്‍ ഉള്ള എന്റെ വലിയ തിരിച്ചറിവ്. 15 ദിവസത്തെ വോയ്സ് റെസ്റ്റ്’- എന്നാണ് ഹരീഷ് കുറിച്ചത്.
അതിനു പിന്നാലെ ആശ്വാസ വാക്കുകളുമായി നിരവധി ആരാധകരാണ് എത്തിയത്. ഗായകനോട് മിണ്ടാതിരിക്കാന്‍ പറഞ്ഞാലുള്ള അവസ്ഥ എന്താണ്. സാരമില്ല 15 ദിവസം മിണ്ടാതിരുന്നു ഇഷ്ടമുള്ള പാട്ടുകള്‍ കേള്‍ക്കൂ.ആ ശബ്ദം കേള്‍ക്കാന്‍ ഞങ്ങളും കാത്തിരിക്കാം.- എന്നായിരുന്നു ഒരു ആരാധികയുടെ കമന്റ്.
കുറച്ചു ദിവസങ്ങള്‍ക്കു മുന്‍പാണ് ഹരീഷും സിത്താര കൃഷ്ണകുമാറും ഉള്‍പ്പടെയുള്ള ഗായകര്‍ യൂറോപ്യന്‍ ട്രിപ്പിന് പോയിരുന്നു. യുകെയിലും അയര്‍ലന്‍ഡിലുമായി നിരവധി ഷോകളില്‍ ഇവര്‍ പങ്കെടുത്തിരുന്നു.
