ഇതുകൂടാതെ മയക്ക്മരുന്ന് അനഃധികൃതമായി കൈവശം വച്ച കേസിലുള്‍പ്പെട്ട് ജാമ്യം നേടി വിദേശത്തേക്ക് കടന്ന യുവാവിനെയും ജില്ലാ പോലീസ് മേധാവിയുടെ ലുക്ക് ഔട്ട് നോട്ടീസിന്‍റെ അടിസ്ഥാനത്തില്‍ പാരിപ്പളളി പോലീസ് പിടികൂടി. വര്‍ഷങ്ങളായി വിദേശത്ത് ഒളിവ് ജീവിതത്തില്‍ കഴിഞ്ഞ ഇയാള്‍ വിവാഹത്തിനായി തിരികെ നാട്ടിലേക്ക് വന്നപ്പോഴാണ് തിരുവനന്തപുരം അന്താരാഷ്ട്ര വിമാനത്താവളത്തില്‍ വച്ച് പിടിയിലായത്. തിരുവനന്തപുരം വര്‍ക്കല വെട്ടൂരില്‍ തണ്ടാക്കുടി ഹൗസില്‍ സലീം മകന്‍ സവാദിനെയാണ് (32) വിമാനത്താവളത്തില്‍ വച്ച് പാരിപ്പളളി പോലീസ് അറസ്റ്റ് ചെയ്തത്.
ചാത്തന്നൂര്‍ അസിസ്റ്റന്‍റ് കമ്മീഷണര്‍ ബി.ഗോപകുമാറിന്‍റെ മേല്‍നോട്ടത്തില്‍ പാരിപ്പളളി ഇന്‍സ്പെക്ടര്‍ എ. അല്‍ജബ്ബറിന്‍റെ നേതൃത്വത്തില്‍ എസ്.ഐമാരായ അനുരൂപ്, സുരേഷ്കുമാര്‍.എസ്, എസ്.സി.പി.ഒ സന്തോഷ് സി.പി.ഒ മാരായ മനോജ്, അനൂപ്, ബിജൂ, സലാഹുദ്ദീന്‍ എന്നിവരടങ്ങിയ സംഘമാണ് പ്രതികളെ പിടികൂടിയത്. ഇരുവരേയും കോടതി റിമാന്‍റ് ചെയ്തു.
