പനവൂർ വില്ലേജിൽ വഞ്ചുവം റോഡരികത്തു വീട്ടിൽ നിന്നും മുട്ടത്തറ വില്ലേജ് പൂന്തുറ മസാൽ തെരുവ് ബദരിയാ പള്ളിക്ക് സമിപം സുലൈമാന്റെ വീട്ടിൽ വാടകയ്ക്കു താമസം മുഹമ്മദ്‌ ഹനീഫ മകൻ അൽ അമീൻ വയസ്സ് 44 ആണ് അറസ്റ്റിലായത് മാർച്ച് 7 ന് വെളുപ്പിന് പാലോട് പോലീസ് സ്റ്റേഷൻ പരിധിയിലെ തിരുവനന്തപുരം - ചെങ്കോട്ട സംസ്ഥാന പാതയിൽ പാർക്കു ചെയ്തിരുന്ന 5 ഓളം വാഹനങ്ങളിൽ നിന്നായി ബാറ്ററികളും , സൗണ്ട് സിസ്റ്റം ഉപകരണങ്ങളും മോഷണം പോയിട്ടുളളതായി പരാതി ലഭിച്ചതിനെ തുടർന്ന് മടത്തറ മുതൽ ചുള്ളിമാനൂർ വരെയുളള CCTV ദൃശ്യങ്ങൾ പരിശോധിച്ചതിൽ നിന്ന് ഒരു വെള്ള നിറത്തിലുളള കാറിൽ സഞ്ചരിക്കുന്നവരാണ് മോഷണത്തിന് പിന്നിൽ എന്ന് മനസിലാകുകയും വാഹനത്തിന്റെ നമ്പർ പരിശോധിച്ചതിൽ അത് വ്യാജമായി പതിച്ചതാണെന്നു വെളിവായിട്ടുള്ളതും . തുടർന്ന് വെള്ള നിറത്തിലുള്ള കാറുകൾ കേന്ദ്രികരിച്ച് നടത്തിയ അന്വേഷണത്തിലൊടുവിൽ കാർ ബീമാപ്പള്ളിയിൽ നിന്നും വാടകക്ക് എടുത്തതായി കണ്ടെത്തി. തുടർന്ന് നടത്തിയ അന്വേഷണത്തിലാണ് പ്രതിയെ കണ്ടെത്തിയത്. പ്രതിയെ വിശദമായി ചോദ്യം ചെയ്തതിൽ തിരുവനന്തപുരം കൊല്ലം , ആലപ്പുഴ, എറണാകുളം ജില്ലകളിലായി നാഷണൽ ഹൈവെയുടെയും മറ്റും അരികിൽ പാർക്ക് ചെയ്തിരുന്നു നിരവധി വാഹനങ്ങളിൽ നിന്ന് ബാറ്ററികൾ എടുത്തതായി പറഞ്ഞിട്ടുണ്ട്. മോഷ്ടിച്ച സാധനങ്ങൾ കണിയാപുരത്തുള്ള ആക്രി കടയിൽ വിറ്റതായി പറഞ്ഞതിൻ പ്രകാരം നടത്തിയ പരിശോധനയിൽ 20 ഓളം ബാറ്ററികൾ അവിടെ നിന്നും കണ്ടെടുത്തിട്ടുണ്ട്. മോഷണത്തിന് ഉപയോഗിച്ച കാറും പിടിച്ചെടുത്തിട്ടുണ്ട്. പ്രതിയുടെ ഭാര്യാ സഹോദരനും തിരുവനന്തപുരo സിറ്റിയിലെ വിവിധ പോലീസ് സ്റ്റേഷനുകളിൽ നിരവധി കേസുകളിൽ പ്രതിയായ ജസീം എന്നയാളും മോഷണ സംഘത്തിൽ ഉൾപ്പെട്ടതായി വെളിവായിട്ടുണ്ട്. തിരുവനന്തപുരത്ത് നിന്ന് ഇയാൾ വേസ്റ്റുകൾ ശേഖരിച്ച് എറണാകുളത്ത് വാഹനത്തിൽ കൊണ്ടു പോയി നൽകുന്ന ജോലിക്കിടയിൽ റോഡരികിൽ പാർക്ക് ചെയ്തിരിക്കുന്ന വാഹനങ്ങൾ കണ്ടെത്തി വയ്ക്കുകയും പിന്നീട് രാത്രിയിൽ കാറിൽ പോയി മോഷണം ചെയ്തു വിൽക്കുകയായിരുന്നു ഇവരുടെ രീതി.
തിരുവനന്തരപുരം റൂറൽ ജില്ലാ പോലീസ് മേധാവി Dr ദിവ്യ ഗോപിനാഥ് IPS ന്റെ നിർദേശാനുസരണം നെടുമങ്ങാട് DySP M. K സുൾഫിക്കറിന്റെ മേൽനോട്ടത്തിൽ പാലോട് ഇൻസ്പെക്ടർ
CK മനോജ്, GSI റഹിം, GASI അനിൽകുമാർ ,SCPO ബിജു, , അനീഷ്, CPO കിരൺ ,അരുൺ , അരവിന്ദ്, വിനീത്, റിയാസ്, രഞ്ജുരാജ്, നെടുമങ്ങാട് DANSAF ടീമിലെ GSI ഷിബു കുമാർ , GASI സജു , CPO ഉമേഷ് ബാബു എന്നിവരടങ്ങിയ സംഘമാണ് ഈ കേസ് അന്വേഷിക്കുന്നത്.
