സ്കൂൾ കാലഘട്ടം മുതൽ കുട്ടികളിലെ സർഗാത്മക കഴിവുകൾ വളർത്തിയെടുക്കുകയും പുസ്തക വായന ജീവിതചര്യയാക്കി മാറ്റുകയുമാണ് ഇത്തരം പദ്ധതികളുടെ ലക്ഷ്യം. സ്കൂൾ അവധി കാലഘട്ടത്തിൽ പുസ്തക വായനയിലൂടെ കുട്ടികൾ സ്വായക്തമാക്കിയ കഴിവുകൾ അവരുടെ രചനയിലൂടെ തന്നെ അച്ചടിച്ച് ചെറു പുസ്തകങ്ങളായി പ്രസിദ്ധീകരിക്കും.
വായനാ ചങ്ങാത്തത്തിന് പുറമെ അറിവിന്റെ അക്ഷരമരം സൃഷ്ടിച്ചതും, കലാസാഹിത്യ രംഗത്തെ പ്രമുഖരുടെ കൃതികളും ആശയങ്ങും അടങ്ങുന്ന ലേഖനങ്ങൾ കൊണ്ടലങ്കരിച്ചതും പരിപാടിയിൽ ഏറെ ശ്രദ്ധ നേടി. എൽഎസ്എസ് പരീക്ഷയിൽ ഉന്നതവിജയം നേടിയ സ്കൂളിലെ 5-ാം ക്ലാസ് വിദ്യാർത്ഥിനികളായ അനന്യയെയും, ശിവേന്ദുവിനേയും യോഗത്തിൽ ആദരിച്ചു. അധ്യാപകരുടെയും കുട്ടികളുടെയും നേതൃത്വത്തിൽ സ്കൂളിൽ പ്രവർത്തിക്കുന്ന ഗാന്ധിദർശൻ ക്ലബ്ബിന്റെ ആഭിമുഖ്യത്തിൽ ന്യായവിലക്ക് പ്രകൃതിദത്ത ദാഹശമനിയും, ലോഷനും അനുബന്ധ അണുനശീകരണ ഉൽപ്പനങ്ങളും സ്റ്റാളിലൂടെ ലഭ്യമാക്കുന്നു.
ഏകദേശം 90 വർഷത്തെ പഴക്കമുള്ള ഈ വിദ്യാലയത്തിൽ നിലവിൽ 155 കുട്ടികൾ പഠിക്കുന്നു. ഒരു കാലത്ത് അടച്ചുപൂട്ടലിന്റെ വക്കിൽ എത്തിച്ചേർന്ന ഈ സ്ഥാപനം, പ്രാദേശിക ഭരണകൂടത്തിന്റെയും അധ്യാപകരുടെയും നാട്ടുകാരുടെയും കൂട്ടായ പ്രവർത്തനത്തിന് ഒടുവിലാണ് കുരുന്നുകളെക്കൊണ്ട് വീണ്ടും ഈ അക്ഷരമുറ്റം നിറഞ്ഞിരിക്കുന്നത്.
