കൊച്ചി: ലൈംഗിക പീഡനക്കേസില്‍ ടാറ്റൂ ആര്‍ട്ടിസ്റ്റ് പി.എസ്.സുജീഷ് അറസ്റ്റില്‍. ചേരാനല്ലൂര്‍ പൊലീസാണ് ഇയാളെ അറസ്റ്റ് ചെയ്തത്. ആറുകേസുകളാണ് ഇയാള്‍ക്കെതിരെ റജിസ്റ്റര്‍ ചെയ്തിട്ടുള്ളത്. ഇടപ്പള്ളിയിലെ ടാറ്റൂ സ്റ്റുഡിയോയിൽ നിന്ന് അന്വേഷണസംഘം തെളിവുകൾ ശേഖരിച്ചു. ഇടപ്പള്ളിയിലെ ഇൻക്ഫെക്‌റ്റെഡ് ടാറ്റൂ സ്റ്റുഡിയോയിലെ കലാകാരൻ പി.എസ്.സുജീഷിനെതിരെ ബലാത്സംഗമുൾപ്പെടെയുള്ള കുറ്റങ്ങൾ ചുമതിയാണ് ആറു കേസുകൾ റജിസ്റ്റർ ചെയ്തത്. നാലെണ്ണം പാലാരിവട്ടം സ്റ്റേഷനിലും രണ്ടെണ്ണം ചേരാനെല്ലൂർ സ്റ്റേഷനിലും. മീറ്റൂ ആരോപണങ്ങൾ ഉയർന്നതിനു പിന്നാലെ സുജേഷ് ഒളിവിൽ പോയിരുന്നു.
