വിദ്യാർത്ഥികളുടെ മാനസിക ഉല്ലാസവും ശാരീരികക്ഷമതയും മുന്നിൽ കണ്ട് മാമ്പള്ളി അസോസിയേഷനും സ്കൂൾ പിറ്റിഎ യും സംയുക്തമായി സ്ഥാപിച്ച ചിൽഡ്രൻസ് പാർക്കാണ് 2022 മാർച്ച് 7 തിങ്കളാഴ്ച 3 മണിക്ക് കുട്ടികൾക്കായി തുറന്നുനൽകുന്നത്.
മാമ്പള്ളി സെന്റ് അലോഷ്യസ് എൽ പി സ്കൂൾ സംഘടിപ്പിക്കുന്ന ചടങ്ങിൽ വച്ച് ലോക്കൽ മാനേജർ റവ . ഫാദർ ജസ്റ്റിൻ ജൂഡിന്റെ അധ്യക്ഷതയിൽ തിരുവനന്തപുരം അതിരൂപത ആർസി സ്കൂൾ കോർപ്പറേറ്റ് മാനേജർ റവ ഫാദർ ഡോ ഡൈസൻ യേശുദാസൻ ചിൽഡ്രൻസ് പാർക്കിന്റെ ഉദ്ഘാടനകർമ്മം നിർവ്വഹിയ്ക്കും.
പരിപാടിയിൽ വാർഡ് മെമ്പർമാരായ ജൂഡ് ജോർജ്ജ് , മിനി ജൂഡ്, പിറ്റിഎ പ്രസിഡന്റ് ജോഷി ജോണി, വിദ്യാഭ്യാസ സമിതി കൺവീനർ ഫ്രാൻസീസ് ജെ,
എറിക്ക് മാർസിൽ സ്റ്റാഫ് സെക്രട്ടറി തുടങ്ങിയവർ പങ്കെടുക്കും.
തുടർന്ന് കുട്ടികളുടെ കലാപരിപാടികൾ ഉണ്ടായിരിക്കുന്നതാണ്.
ചടങ്ങിലേയ്ക്ക് നല്ലവരായ എല്ലാ നാട്ടുകാരെയും മാതാപിതാക്കളെയും സാന്നിധ്യം ഉണ്ടാകണമെന്ന് ജോബ് ജോൺ പ്രസിഡന്റ് മാമ്പള്ളി അസ്സോസിയേഷൻ ) ജെസ്സി പെരേര ഹെഡ്മിസ്ട്രസ് തുടങ്ങിയവർ അറിയിച്ചു.
