തെറ്റിച്ചിറയിലുള്ള ആർട്ട്സ് ആൻഡ് സ്പോർട്ട്സ് ക്ലബ്ബിൽ വെള്ളിയാഴ്ച രാത്രി 10.30-ഓടെ യുവാക്കളടങ്ങിയ സംഘം മദ്യപിച്ച് എത്തുകയായിരുന്നു. ക്ലബ്ബ് ഭാരവാഹിയായ ശ്യാം ഇതിനെ ചോദ്യം ചെയ്യുകയും കളിക്കാൻ അനുവദിക്കില്ലെന്നറിയിക്കുകയും ചെയ്തു. ഇതിൽ പ്രകോപിതരായ യുവാക്കൾ ശ്യാമിനെ ആക്രമിച്ചു.
സ്ഥലത്തുനിന്നു രക്ഷപ്പെട്ട ശ്യാമിനെ പിൻതുടർന്ന് ആക്രമിച്ചത് സുഹൃത്തായ അജ്മൽഖാൻ എതിർത്തു. കൈവശമിരുന്ന കത്തി കൊണ്ട് ഇവർ അജ്മൽഖാന്റെ നെഞ്ചിൽ കുത്തുകയായിരുന്നു. പരിക്കേറ്റ അജ്മൽഖാൻ കൊല്ലത്തെ സ്വകാര്യ ആശുപത്രിയിൽ തീവ്രപരിചരണ വിഭാഗത്തിൽ ചികിത്സയിലാണ്.
സംഘത്തിലെ മൂന്നുപേരെ പോലീസ് സംഭവസ്ഥലത്തുനിന്ന് പിടികൂടി. കിളികൊല്ലൂർ എസ്.ഐ.മാരായ അനീഷ് എ.പി., സജി എസ്., സന്തോഷ്, താഹകോയ, എ.എസ്.ഐ.മാരായ സന്തോഷ്കുമാർ സി., പ്രകാശ് ചന്ദ്രൻ സി.പി.ഒ. സുധീർ എന്നിവരടങ്ങിയ സംഘമാണ് പ്രതികളെ പിടികൂടിയത്. ഇവരെ റിമാൻഡ് ചെയ്തു.
