സംഭവത്തെ കുറിച്ച് പൊലീസ് പറയുന്നത്, ഇളയ സഹോദരി അനന്യയുമൊത്ത് ഒരുമുറിയിലായിരുന്നു ഉറക്കം. ഇന്നലെ പുലർച്ചെ ആറോടെ ഹന്ന അലാറം വച്ചുണരുകയും പുറത്തേക്കിറങ്ങുകയും ചെയ്തു. പതിവായി പുലർച്ചെ ഉണർന്ന് വീടിനു പിന്നിലിരുന്ന് പഠിക്കുന്ന പതിവുളളതിനാൽ വീട്ടുകാർക്ക് മറ്റു സംശയങ്ങളൊന്നും ഉണ്ടായിരുന്നില്ല. ആറരയോടെ കുട്ടിയുടെ അമ്മ പുറത്തേക്കിറങ്ങിയതോടെയാണ് കത്തിക്കരിഞ്ഞ നിലയിൽ പെൺകുട്ടിയെ കണ്ടെത്തിയത്. പിതാവും അയൽവാസിയായ സജീവും ഓടിയെത്തി വെള്ളമൊഴിച്ചെങ്കിലും മരണം നേരത്തെ സംഭവിച്ചിരുന്നു.
ചിറ്റയം സെന്റ് ചാൾസ് ബെറോമിയ സ്കൂളിലെ പത്താം ക്ലാസ് വിദ്യാർത്ഥിനിയാണ് ഹന്ന. സ്കൂളിൽ നടത്തിയ പരീക്ഷയിൽ മാർക്ക് കുറഞ്ഞതിന്റെ വിഷമം ഹന്നയ്ക്കുണ്ടായിരുന്നെന്ന് സഹപാഠികൾ പൊലീസിനോട് പറഞ്ഞു. ഹന്ന ഒരു നായകുട്ടിയെ വീട്ടിൽ ഓമനിച്ചു വളർത്തിയിരുന്നു. രോമവും മറ്റും ഹന്നയുടെ അമ്മയ്ക്ക് അലർജിയുണ്ടായതിനെ തുടർന്ന് ഈ നായകുട്ടിയെ കഴിഞ്ഞ ദിവസം പിതാവ് വീട്ടിനകലെയെത്തി ഉപേക്ഷിച്ചിരുന്നു. സ്കൂളിൽ നിന്ന് മടങ്ങിയെത്തിയ ശേഷം വിവരമറിഞ്ഞ ഹന്ന വിഷമത്തിലായെന്നും പിതാവ് പൊലീസിന് മൊഴി നൽകി. വീട്ടിലെ അടുക്കളയിൽ സൂക്ഷിച്ചിരുന്ന മണ്ണെണ്ണയാണ് തലവഴി ഒഴിച്ച് തീ കൊളുത്തിയത്. മണ്ണെണ്ണ കന്നാസ് മൃതദേഹത്തിന് സമീപത്ത് നിന്നും കണ്ടെടുത്തു. കുട്ടിയുടെ നിലവിളി ഉയരാഞ്ഞത് ആദ്യം തലഭാഗത്ത് തീപിടിച്ചതിനാലാകാമെന്നാണ് പൊലീസ് അനുമാനം. അഞ്ചാലുംമൂട് പൊലീസ് മേൽ നടപടികൾ സ്വീകരിച്ചു.
