കഴക്കൂട്ടം ∙ ട്യൂഷൻ കഴിഞ്ഞു മടങ്ങിയ, പ്രായപൂർത്തിയാകാത്ത രണ്ടു പെൺകുട്ടികളെ കാറിൽ തട്ടിക്കൊണ്ടു പോകാൻ ശ്രമിച്ച കേസിൽ മുടപുരം കിഴുവിലം പെയ്കവിളാകം വീട്ടിൽ ഷൈജു (32) പോക്സോ ആക്ട് പ്രകാരം അറസ്റ്റിലായി. ഞായറാഴ്ച ട്യൂഷൻ കഴിഞ്ഞ് പെൺകുട്ടികൾ നടന്നു വരുമ്പോൾ കാറിൽ എത്തിയ ഷൈൻ ഇവരെ പിടിച്ചു കയറ്റുവാൻ ശ്രമിച്ചു . പെൺകുട്ടികൾ തൊട്ടടുത്ത വീട്ടിൽ ഓടിക്കയറി. പൊലീസിൽ പരാതിപ്പെട്ടതിനെ തുടർന്ന് കാറിന്റെ നമ്പർ പരിശോധിച്ചാണ് പ്രതിയെ അറസ്റ്റ് ചെയ്തത്. ആറ്റിങ്ങൽ പൊലീസ് സ്റ്റേഷനിലും ഇയാൾക്കെതിരെ സമാനമായ കേസ് ഉണ്ട്.
