വർക്കല: 22 വർഷത്തെ സേവനത്തിന് ശേഷം നെടുങ്ങണ്ട ശ്രീനാരായണ ട്രെയിനിംഗ് കോളേജിൽ നിന്നും വിരമിച്ച ഡോ. റാണി.എസിന് യാത്ര അയപ്പ് നൽകി. യാത്ര അയപ്പ് സമ്മേളനം കേരള യൂണിവേഴ്സിറ്റി മുൻ ഡി.സി.ഡി.സി ഡോ. എം. ജയപ്രകാശ് ഉദ്ഘാടനം ചെയ്തു. പ്രിൻസിപ്പൽ ഇൻ ചാർജ് ഡോ. ഷീബ.പി അദ്ധ്യക്ഷത വഹിച്ചു. എസ്.എൻ ട്രസ്റ്റ് എക്സിക്യൂട്ടീവ് അംഗം അജി.എസ്.ആർ.എം മുഖ്യപ്രഭാഷണം നടത്തി. കേരള യൂണിവേഴ്സിറ്റി സിൻഡിക്കേറ്റംഗം ഡോ. കെ.ആർ. കവിത, അലിമിനി വർക്കിംഗ് പ്രസിഡന്റ് പി.ജി. മധുരരാജ്, പി.ടി.എ വൈസ് പ്രസിഡന്റ് പ്രദീപ് കുമാർ, അഞ്ചുതെങ്ങ് പഞ്ചായത്തംഗം പ്രവീൺചന്ദ്ര, ഡോ. പ്രമോദ് ജി.നായർ, ഡോ. സ്മിത.എസ്, ഡോ. എസ്. സരള എന്നിവർ സംസാരിച്ചു.
