സാക്ഷരതമിഷന്റെ പത്താംതരം തുല്യത പഠന ക്ലാസിന്റെ ഉദ്ഘാടനവും ; സ്കൂൾ പരിസരം ശുചീയാക്കലും സംഘടിപ്പിച്ചു

ആറ്റിങ്ങൽ: ഗവ.ഗേൾസ് ഹയർ സെക്കൻഡറി സ്കൂളിൽ പത്താംതരം, ഹയർ സെക്കണ്ടറി തുല്യതാ കോഴ്സുകളുടെ ക്ലാസ് റൂം പഠനത്തിന്റെ ഉദ്ഘാടനം നഗരസഭ ചെയർപേഴ്സൺ അഡ്വ.എസ് കുമാരി നിർവ്വഹിച്ചു. വിദ്യഭ്യാസ സ്റ്റാന്റിംഗ് കമ്മിറ്റി ചെയർപേഴ്സൺ ഗിരിജടീച്ചർ അദ്ധ്യക്ഷത വഹിച്ചു. നോഡൽ പ്രേരക് ജി.ആർ.മിനിരേഖ, പ്രേരക് കെ.ആർ.ബിന്ദു, ടീച്ചർമാരായ ഷിജു, അരുണ, സീന, ബീന തുടങ്ങിയവർ പങ്കെടുത്തു. 

തുടർന്ന് ചെയർപേഴ്സന്റെ നേതൃത്വത്തിൽ പഠിതാക്കളും അധ്യാപകരും ചേർന്ന് സ്കൂളും പരിസരവും വൃത്തിയാക്കി. നഗരസഭ ശുചീകരണ വിഭാഗം ജീവനക്കാരായ അജി,ജയൻ എന്നിവർ അണു നശീകരണവും നടത്തി.