*വർക്കല എസ്.എൻ. കോളേജിൽ എസ്.എഫ്.ഐ.ക്ക് വിജയം*
വർക്കല എസ്.എൻ. കോളേജ് യൂണിയൻ തിരഞ്ഞെടുപ്പിൽ വിജയിച്ചവർ വി.ജോയി എം.എൽ.എ., നഗരസഭാ ചെയർമാൻ കെ.എം.ലാജി, സി.പി.എം. നേതാക്കൾ എന്നിവർക്കൊപ്പം
വർക്കല: ശിവഗിരി എസ്.എൻ. കോളേജ് യൂണിയൻ തിരഞ്ഞെടുപ്പിൽ എല്ലാ സീറ്റിലും എസ്.എഫ്.ഐ. വിജയിച്ചു. ചെയർമാനായി സി.പി.അനൂപിനെയും വൈസ് ചെയർപേഴ്‌സണായി നീരജ അജിത്തിനെയും ജനറൽ സെക്രട്ടറിയായി എസ്.ഡി.അഭിനവിനെയും ആർട്‌സ് ക്ലബ്ബ് സെക്രട്ടറിയായി അർച്ചന എസ്.ഷിബുവിനെയും മാഗസിൻ എഡിറ്ററായി എ.അരുണിനെയും തിരഞ്ഞെടുത്തു.
നയന അനിൽ, ഡി.ആദിത്യ എന്നിവരെ യൂണിവേഴ്‌സിറ്റി യൂണിയൻ കൗൺസിലർമാരായും തിരഞ്ഞെടുത്തു. തിരഞ്ഞെടുക്കപ്പെട്ടവർ എസ്.എഫ്.ഐ. പ്രവർത്തകർക്കൊപ്പം ആഹ്ളാദം പങ്കിട്ട് പ്രകടനമായി കോളേജിനു മുന്നിലെത്തി. വി.ജോയി എം.എൽ.എ., വർക്കല നഗരസഭാ ചെയർമാൻ കെ.എം.ലാജി, സി.പി.എം. നേതാക്കളായ എസ്.ഷാജഹാൻ, എം.കെ.യൂസഫ് തുടങ്ങിയവർ വിജയികളെ അഭിനന്ദിച്ചു.
