പത്തനംതിട്ട : ബന്ധുവിനെ തീവണ്ടി കയറ്റി വിടാനെത്തിയ യുവതി തീവണ്ടിക്ക് അടിയിൽപ്പെട്ടു മരിച്ചു. കുന്നന്താനം ചെങ്ങരൂർചിറ സ്വദേശി അനു ഓമനക്കുട്ടൻ ( 32 ) ആണ് മരിച്ചത്. രാവിലെ 11 മണിയോടെ തിരുവല്ല റെയിൽവേ സ്റ്റേഷനിൽ ആണ് അപകടം നടന്നത്.ശബരി എക്സ്പ്രസിന് അടിയിലേക്കാണ് വീണത്. ബന്ധുവിനെ തീവണ്ടി കയറ്റിവിടാൻ എത്തിയതായിരുന്നു യുവതി. അതിനിടെ കാല് തെറ്റി തീവണ്ടിക്ക് അടിയിലേക്ക് വീഴുകയായിരുന്നു എന്നാണ് വിവരം
