*കെ.എസ്.ടി.യു ജില്ലാ സമ്മേളനം*

ആറ്റിങ്ങൽ: പൊതുവിദ്യാഭ്യാസ മേഖലയോടും അദ്ധ്യാപകരോടുമുള്ള വിവേചനം അവസാനിപ്പിക്കണമെന്ന് കെ.എസ്.ടി.യു ജില്ലാ പ്രതിനിധി സമ്മേളനം ആവശ്യപ്പെട്ടു. ആറ്റിങ്ങൽ എൽ.എം.എസ് എൽ.പി സ്‌കൂളിൽ നടന്ന ജില്ലാ പ്രതിനിധി സമ്മേളനം കെ.എസ്.ടി.യു സംസ്ഥാന പ്രസിഡന്റ് കരിം പടുകുണ്ടിൽ ഉദ്ഘാടനം ചെയ്‌തു.

കെ.എസ്.ടി.യു ജില്ലാ പ്രസിഡന്റ് ജമീൽ.ജെ അദ്ധ്യക്ഷനായി. സംസ്ഥാന അസോസിയേറ്റ് സെക്രട്ടറി കെ.എം. അബ്ദുള്ള, വൈസ് പ്രസിഡന്റ് എം.എം. ജിജുമോൻ, സംസ്ഥാന സെക്രട്ടറി കെ.ടി. അമാനുള്ള, പ്രകാശ് പോരേടം, ഷുഹൈബ്. കെ, ഹൻസീർ തുടങ്ങിയവർ പങ്കെടുത്തു.