പട്ടണത്തിന്റെ വിവിധ ഭാഗങ്ങളിലായി 32 പോളിയോ ബൂത്തുകളാണ് നഗരസഭ തയ്യാറാക്കിയിട്ടുള്ളത്. യാത്രക്കാരുടെ സൗകര്യാർത്ഥം കെ.എസ്.ആർ.റ്റി.സി, പ്രൈവറ്റ് ബസ് സ്റ്റാൻഡുകളിലായി ട്രാൻസിസ്റ്റ് ബൂത്തുകളും പ്രവർത്തിക്കുന്നു. രാവിലെ 8 മണി മുതൽ വൈകിട്ട് 5 മണി വരെയാണ് ഈ സേവനം ലഭ്യമാവുന്നത്. വാർഡ് കൗൺസിലർമാർ, താലൂക്കാശുപത്രി സൂപ്രണ്ട് ഡോ.ജസ്റ്റിൻ ജോസ്, ഹെൽത്ത് ഇൻസ്പെക്ടർ എസ്.എസ്.മനോജ്, ജൂനിയർ ഹെൽത്ത് ഇൻസ്പെക്ടർമാർ, ജെ.പി.എച്ച്.എൻ മാർ, ആശാവർക്കർ, അംഗനവാടി ജീവനക്കാർ തുടങ്ങിയവരുടെ നേതൃത്വത്തിലാണ് 32 കേന്ദ്രങ്ങളിലും തുള്ളി മരുന്ന് വിതരണം നടക്കുന്നത്.
