കിളിമാനൂർ ബി ആർ സിയുടെ അഭിമുഖ്യത്തിൽ എന്റെ വിദ്യാലയം മികച്ച വിദ്യാലയം പദ്ധയുടെ ഭാഗമായാണ് ഗൃഹസന്ദർശനം നടന്നത്.ഓൺലൈൻ പഠന പ്രവർത്തനങ്ങളിൽ പങ്കാളിത്തം കുറവായിരുന്ന കുട്ടികളുടെ വീടുകളിൽ പഠന പ്രവർത്തനവുമായി എത്തിയാണ് പദ്ധതിക്ക് തുടക്കം കുറിച്ചത്.ബി ആർ സി പ്രവർത്തകരുടെ നേതൃത്വത്തിൽ എസ് ആർ ജി യോഗം ചേർന്ന് കുട്ടികളിൽ ഉണ്ടായ പഠന വിടവുകൾ നികത്തുന്നതിന് പ്രവർത്തന പാക്കേജ് തയ്യാറാക്കി എല്ലാ കുട്ടികളേയും ഒരു പോലെ പഠനമുന്നേറ്റത്തിൽ എത്തിക്കുകയാണ് ഈ പദ്ധതിയുടെ ലക്ഷ്യം. പദ്ധതിയുടെ ട്രൈ ഔ ട്ടിന്റെ ഭാഗമായി പഞ്ചായത്തുകളിൽ നിന്നും ഓരോ സ്കൂളിനെ യാണ് ആദ്യ ഘട്ടത്തിൽ തെരഞ്ഞെടുത്തിരിക്കുന്നത്. ഗവ എൽ പി എസ് കിളിമാനൂർ, ജി എൽ പി എസ് അടയമൺ, ജി എൽ പി എസ് പേടികുളം, ഗവ എൽ പി എസ് വെട്ടിയറ, ഗവ എൽ പി എസ് വെള്ളല്ലൂർ, എസ് എൻ വി യു പി എസ് കാട്ടുപുതുശ്ശേരി ,ഗവ എൽ പി എസ് പുലിയൂർകോണം, ഗവ എൽ പി എസ് പറക്കുളം എന്നിവയാണ് തിരഞ്ഞെടുക്കപ്പെട്ട വിദ്യാലയങ്ങൾ. വരും ദിവസങ്ങളിൽ ഉപജില്ലയിലെ മുഴുവൻ സ്കൂളിലേക്കും ഈ പദ്ധതി വ്യാപിപ്പിക്കും മെന്ന് ബി പി സി വി ആർ സാബു പറത്തു .
