കല്ലമ്പലം:പുലർച്ചെ രണ്ടുമണിക്ക് സംശയകരമായ സാഹചര്യത്തിൽ നക്രാംകോണത്ത് കണ്ട ഓട്ടോയിലെ രണ്ടുപേരെ മോഷ്ടാക്കൾ എന്ന ധാരണയിൽ നാട്ടുകാർ തടഞ്ഞു വെച്ചു. കഞ്ചാവ് ലോബിയിൽ പെട്ടവരാണ് ഓട്ടോയിൽ ഉള്ളതെന്ന് തിരിച്ചറിഞ്ഞ നാട്ടുകാർ പോലീസിൽ ഏൽപ്പിക്കും എന്ന സ്ഥിതി വരികയും ചെയ്തതോടെ പ്രകോപിതരായ പ്രതികൾ കൂട്ടുകാരും സാമൂഹ്യവിരുദ്ധൻമാരുമായ മറ്റ് പ്രതികളെ വിളിച്ചുവരുത്തി നാട്ടുകാരിൽ ഒരാളായ നക്രാംകോണം ഷിറാസ് മൻസിലിൽ ഷിഹാൻ( 27) നെ കത്തി കൊണ്ട് മൂന്ന് പ്രാവശ്യം ശരീരത്തിന്റെ ഭാഗങ്ങളിൽ കുത്തി മുറിവേൽപ്പിച്ച് കൊലപ്പെടുത്താൻ ശ്രമിക്കുകയും മറ്റ് നാട്ടുകാരെ കത്ത് വീശി ഭീക്ഷണിപ്പെടുത്തി ഭീകരാന്തരീക്ഷം സൃഷ്ടിച്ചു ദേഹോപദം ഏൽപ്പിക്കുകയും ചെയ്തു.
തിരുവനന്തപുരം റൂറൽ ജില്ലാ പോലീസ് മേധാവി ദിവ്യ എസ്.ഗോപിനാഥിന് ലഭിച്ച വിവരത്തെത്തുടന്ന് വർക്കല ഡി.വൈ. എസ്.പി നിയാസിന്റെ നേതൃത്ത്വത്തിൽ കല്ലമ്പലം പോലീസ് ഇൻസ്പെക്ടർ ഫറോസ്.ഐ, എസ്.ഐമാരായ ശ്രീലാൽ ചന്ദ്രശേഖരൻ, വിജയകുമാർ, അനിൽകുമാർ, ജയൻ, പ്രതികളെ അറസ്റ്റ് ചെയ്തത്.
