കല്ലമ്പലത്ത് 9 വയസ്സുള്ള കുട്ടിയെ പീഡിപ്പിക്കാൻ ശ്രമിച്ച കേസിൽ അയൽവാസിയായ രമണനെ(47) കല്ലമ്പലം പൊലീസ് അറസ്റ്റ് ചെയ്ത് റിമാൻഡ് ചെയ്തു. ഫെബ്രുവരി എട്ടാം തീയതിയാണ് കേസിനാസ്പദമായ സംഭവം നടന്നത്. മാതാപിതാക്കൾ ജോലിക്കുപോയ സമയം ബന്ധു വീട്ടിൽ നിന്നും കളിക്കുകയായിരുന്നു കുട്ടിയെ കേക്ക് നൽകാമെന്ന് പറഞ്ഞാണ് പ്രതി കൂട്ടിക്കൊണ്ടുപോയി പീഡിപ്പിക്കാൻ ശ്രമിച്ചത്. വിവരം പുറത്തുപറഞ്ഞാൽ കുട്ടിയെ കൊല്ലുമെന്ന് പറഞ്ഞ് പ്രതി ഭീഷണിപ്പെടുത്തുകയും ചെയ്തിരുന്നു. കുട്ടി ഭയന്നു ആരോടും ഈ വിവരം പറഞ്ഞിരുന്നില്ല. കഴിഞ്ഞദിവസം പ്രതി വീണ്ടും കളിപ്പാട്ടം നൽകാമെന്ന് പറഞ്ഞ് കുട്ടിയെ വിളിക്കുകയും കുട്ടി ഭയന്നു വീട്ടുകാരോട് വിവരം പറയുകയും തുടർന്ന് കല്ലമ്പലം പൊലീസ് സ്റ്റേഷനിൽ ബന്ധുക്കൾ വിവരം അറിയിക്കുകയും ചെയ്തു. ഈ വിവരത്തിന്റെ അടിസ്ഥാനത്തിൽ കല്ലമ്പലം പൊലീസ് ഇൻസ്പെക്ടർ ഫറോസ്.ഐ, എസ് ഐ മാരായ ചന്ദ്രശേഖരൻ, വിജയകുമാർ, അനിൽകുമാർ,ജയൻ ASI മാരായ സുനിൽകുമാർ നജീബ് തുടങ്ങിയവരുടെ നേതൃത്വത്തിലുള്ള പോലീസ് സംഘം പ്രതിയെ അറസ്റ്റ് ചെയ്തു കോടതിയിൽ ഹാജരാക്കി.
