തുടർന്ന് ക്ഷേത്രത്തിലെ പ്രത്യേക കളാഭാഭിഷേക ചടങ്ങുകൾക്കുശേഷം 11.30 കഴിഞ്ഞാകും നിവേദിക്കൽ ചടങ്ങുകൾ ആരംഭിക്കുന്നത്. കോവിഡ് നിയന്ത്രണത്തിന്റെ പശ്ചാത്തലത്തിൽ ഭക്തർക്ക് ക്ഷേത്രപരിസരത്ത് ഇക്കുറിയും പൊങ്കാല സമർപ്പണത്തിന് അനുമതി നൽകിയിട്ടില്ല. എന്നാൽ, ഭക്തർ ഈ സമയം അവരവരുടെ വീടുകളിൽ പൊങ്കാല സമർപ്പിക്കണമെന്ന് ക്ഷേത്രം അധികൃതർ ആവശ്യപ്പെടുന്നു.
ക്ഷേത്രത്തിൽ നടക്കുന്ന പൂജാകർമങ്ങളിൽ പങ്കെടുക്കുന്നതിന് കോവിഡ് മാനദണ്ഡമനുസരിച്ച് ഭക്തർക്ക് പ്രവേശനം അനുവദിക്കും. പൊങ്കാല ചടങ്ങുകൾ ക്ഷേത്രത്തിന്റെ ഔദ്യോഗിക വെബ്‌സൈറ്റിൽ തത്സമയം ലഭ്യമാണ്.
