വർക്കല:മഹാകവി കുമാരനാശാന്റെ കവിതകൾക്ക് പ്രചോദനമായ നെടുങ്ങണ്ട അരിയിട്ടകുന്നിലെ ചെമ്പകത്തറയിൽ കവി ഡി.വിനയചന്ദ്രന് കാവ്യാഞ്ജലിയായി 207 പ്രണയകവിതകളുടെ സമാഹാരം 'സമസ്ത കേരള കവിത' പ്രകാശനം ചെയ്തു. അഡ്വ.വി.ജോയി എം.എൽ.എയാണ് പ്രകാശനകർമ്മം നിർവഹിച്ചത്. സാഹിത്യനിരൂപകൻ സുനിൽ.സി.ഇ പുസ്തകം ഏറ്റുവാങ്ങി.പ്രിന്റ് ബുക്സാണ് പുസ്തകം പ്രസിദ്ധീകരിച്ചത്. ഡി.വിനയചന്ദ്രന്റെ 9-ാം ചരമവാർഷികദിനത്തിൽ നടന്ന ചടങ്ങിൽ ചിറയിൻകീഴ് ബ്ലോക്ക് പഞ്ചായത്ത് വൈസ് പ്രസിഡന്റ് അഡ്വ.ഫിറോസ് ലാൽ അദ്ധ്യക്ഷത വഹിച്ചു.അഞ്ചുതെങ്ങ് ഗ്രാമപഞ്ചായത്ത് പ്രസിഡന്റ് ലൈജുകുമാർ, വർക്കല നഗരസഭ സ്റ്റാൻഡിംഗ്കമ്മിറ്റി ചെയർപേഴ്സൺ ബീവിജാൻ, ഫിർദൗസ് കായൽപുറം, ആർ.കെ.അനിൽകുമാർ, ഷിജിഷാജഹാൻ,മോഹൻദാസ് എവർഷൈൻ,നെടുങ്ങണ്ട ഗവ.എൽ.പി.എസ് പ്രഥമാദ്ധ്യാപിക ഫസീല എന്നിവർ സംസാരിച്ചു. കവി അൻസാർ വർണ്ണനയാണ് പുസ്തകം എഡിറ്ര് ചെയ്തത്.
