ആന്റിഗ്വ: അണ്ടർ 19 ലോകകപ്പ് ക്രിക്കറ്റിൽ ഇന്ത്യ ഫൈനലിൽ കടന്നു.സെമിയിൽ ഓസ്ട്രേലിയയെ 96 റൺസിന് വീഴ്ത്തി. ആന്റിഗ്വയിൽ നടന്ന സെമി മത്സരത്തിൽ ടോസ് നേടി ആദ്യം ബാറ്റ് ചെയ്ത ഇന്ത്യ നിശ്ചിത 50 ഓവറിൽ 290/5 എന്ന തകർപ്പൻ സ്കോർ നേടിയപ്പോൾ, ഓസ്ട്രേലിയ 41.5 ഓവറുകളിൽ 194 റൺസിന് ഓളൗട്ടാവുകയായിരുന്നു. സെഞ്ചുറിയുമായി ഉജ്ജ്വല പ്രകടനം കാഴ്ച വെച്ച നായകൻ യഷ് ദൂലും, 94 റൺസ് നേടിയ ഷൈഖ് റഷീദുമാണ് ഇന്ത്യയുടെ ഹീറോസ്. ശനിയാഴ്ച നടക്കുന്ന കലാശപ്പോരാട്ടത്തിൽ ഇംഗ്ലണ്ടിനെയാണ് ഇന്ത്യയുടെ നീലപ്പട നേരിടുക.
