കർണാടക സയൻസ് ആൻഡ് ടെക്‌നോളജിക്കൽ പ്രൊമോഷൻ സൊസൈറ്റി (കെ.എസ്.ടി.ഇ.പി.എസ്.) വഴിയാണ് പദ്ധതി നടപ്പാക്കുക. ഐ.എസ്.ആർ.ഒ.യ്ക്ക് പുറമേ ഇന്ത്യൻ ടെക്‌നോളജി കോൺഗ്രസ് അസോസിയേഷന്റെ (ഐ.ടി.സി.എ.) സഹകരണവുമുണ്ട്. പദ്ധതി നടപ്പാക്കുന്നതിന് ഐ.ടി.സി.എ.യുമായി കെ.എസ്.ടി.ഇ.പി.എസ്. ഉടൻ കരാറിലേർപ്പെടുമെന്ന് ഐ.ടി. വകുപ്പുമന്ത്രി അശ്വത് നാരായൺ പറഞ്ഞു. വിദ്യാർഥികളിൽ ശാസ്ത്രബോധം വളർത്താനും സാങ്കേതികവിഷയങ്ങളിലുള്ള ബോധവത്കരണവുമാണ് പദ്ധതിയുടെ ലക്ഷ്യം. രാജ്യത്തിന്റെ 75-ാം സ്വാതന്ത്ര്യദിനത്തോടനുബന്ധിച്ച് വിദ്യാർഥികളുടെ 75 നാനോ ഉപഗ്രഹങ്ങൾ വിക്ഷേപിക്കാൻ ദേശീയതലത്തിൽ പ്രഖ്യാപിച്ച പദ്ധതിയുടെ ഭാഗമായാണിതെന്നും അശ്വത് നാരായൺ അറിയിച്ചു.
ഉപഗ്രഹവിക്ഷേപണത്തിന്റെ ഭാഗമായി സാങ്കേതിക വിദഗ്ധസമിതിക്ക് രൂപംനൽകും. 12 മാസംകൊണ്ട് ഉപഗ്രഹം വിക്ഷേപണത്തിന് സജ്ജമാക്കാനാണ് ലക്ഷ്യം. ഇന്ത്യൻ നാഷണൽ സ്പേസ് പ്രൊമോഷൻ ആൻഡ് ഓതറൈസേഷൻ സെന്ററിന്റെ അംഗീകാരത്തോടെയായിരിക്കും വിക്ഷേപണം
