ആറ്റിങ്ങൽ: പ്രൈവറ്റ് ബസ്റ്റാന്റിന് എതിർ വശം ആപ്പിൾ ബോട്ടിക്യൂ എന്ന വസ്ത്രാലയത്തിന് മുമ്പിൽ പാർക്ക് ചെയ്തിരുന്ന ആൾട്ടോ കാറാണ് പിന്നോട്ടെടുക്കുമ്പോൾ നീയന്ത്രണം തെറ്റി കടയിലേക്ക് ഇടിച്ചു കയറിയത്. സ്ഥാപനത്തിന് മുമ്പിലെ പടിക്കെട്ട് കടന്ന് പ്രധാന ചില്ലു കവാടവും തകർത്ത് കടക്കുള്ളിലേക്ക് കയറി നിന്നു. പാർക്ക് ചെയ്തിരുന്ന സ്ഥലം ഏറ്റിറക്കമുള്ളതിനാലാണ് ഡ്രൈവർക്ക് വാഹനത്തെ നീയന്ത്രിക്കാൻ സാധിക്കാത്തത്. അപകടത്തിൽ ആളപായം ഉണ്ടായിട്ടില്ല. വാഹനത്തിന്റെ മുൻ വശം ഭാഗീകമായി തകർന്നു.
