കോട്ടയം: പാലായ്ക്കു സമീപം മേലംപാറയിൽ നിന്നും ഇന്ന് രാവിലെ കാണാതായ പ്ലസ് വൺ വിദ്യാർഥിനിയെ തിരുവനന്തപുരത്തു നിന്നും കണ്ടെത്തി. പാലായ്ക്ക് സമീപം മേലമ്പാറയിലെ പഴേത്ത് വീട്ടിൽ വിഷ്ണുപ്രിയയെ ആണ് കണ്ടെത്തിയത് രാവിലെ 6.30ന് മേലമ്പാറയിൽ നിന്നും കോട്ടയത്തേക്ക് വിഷ്ണുപ്രിയ പോയ കെഎസ്ആർടിസി ബസിൻ്റെ കണ്ടക്ടർ വിവരം നൽകുകയായിരുന്നു. തുടർന്ന് കുട്ടിയുടെ പിതാവ് വിവരം ഈരാറ്റുപേട്ട പോലീസിൽ അറിയിച്ചിരുന്നു. തുടർന്ന് നടത്തിയ അന്വേഷണത്തിലാണ് കുട്ടിയെ തിരുവനന്തപുരം കാട്ടാക്കടയിൽ നിന്നും കണ്ടെത്തുന്നത്.
