ആറ്റിങ്ങൽ: ഡി വൈ എഫ് ഐ ആറ്റിങ്ങൽ ബ്ലോക്ക് കമ്മിറ്റിയുടെ നേതൃത്വത്തിൽ ആറ്റിങ്ങൽ കിഴക്കേ നാലുമുക്കിൽ പ്രതിഷേധ തെരുവ് സംഘടിപ്പിച്ചു. സംഘപരിവാർ നേതൃത്വത്തിൽ രാജ്യമൊട്ടാകെ നടത്തുന്ന മതന്യൂനപക്ഷ വേട്ടക്കെതിരെ നടന്ന പ്രതിഷേധ തെരുവ് ആറ്റിങ്ങൽ മുൻ എംഎൽഎ അഡ്വ.ബി സത്യൻ ഉദ്ഘാടനം ചെയ്തു സംസാരിച്ചു. ബ്ലോക്ക് പ്രസിഡന്റ് എം ബി ദിനേശ് അധ്യക്ഷത വഹിച്ച പ്രതിഷേധ പരിപാടിയിൽ ഡി വൈ എഫ് ഐ ജില്ലാ വൈസ് പ്രസിഡന്റ് ആർ എസ് അനൂപ് അഭിവാദ്യം ചെയ്ത് സംസാരിച്ചു, ബ്ലോക്ക് സെക്രട്ടറി വിഷ്ണു ചന്ദ്രൻ സ്വാഗതവും, ഈസ്റ്റ് മേഖല സെക്രട്ടറി അനസ് നന്ദിയും രേഖപ്പെടുത്തി.
