ചെമ്പൂര് സ്കൂളിന് സമീപം സ്വകാര്യ സ്ഥാപനത്തിൽ സാധനങ്ങളുമായി വന്ന TN 48 Z5958 എന്ന തമിഴ്നാട് രജിസ്ട്രേഷൻ നാഷൺ പെർമിറ്റ് ലോറി അപകടം നടന്ന വളവിലെ റോഡിൽ പാർക്ക് ചെയ്തിരുന്നതാണ് അപകടത്തിന് കാരണമെന്ന് ദൃക്സാക്ഷികൾ പറയുന്നു. വെഞ്ഞാറമൂടിൽ നിന്ന് ആറ്റിങ്ങലിലേക്ക് വരുകയായിരുന്ന അനശ്വർ മോട്ടേഴ്സ് ബസ് വളവിൽ പാർക്ക് ചെയ്തിരുന്ന ലോറിയെ മറികടക്കുമ്പോൾ എതിരെ വരികയായിരുന്ന അശ്വനി എന്ന ബസ് തമ്മിൽ കൂട്ടി ഇടിക്കാതിരിക്കാൻ വെട്ടിച്ച് മാറ്റിയ സമയത്ത് റോഡ് സൈഡിൽ നിന്ന ഇടക്ട്രിക്ക് പോസ്റ്റിൽ ഇടിക്കുകയായിരുന്നു.
ഇലക്ട്രിക്ക് പോസ്റ്റിൽ ഇടിച്ച ബസിന്റെ മുൻ വശത്തെ ഗ്ലാസ് മുഴുവനും തകർന്നതിന് ശേഷംപോസ്റ്റ് അനശ്വർ ബസിന്റെ മുകളിലേക്ക് വീഴുകയായിരുന്നു. വൈദ്യുതി പുനഃസ്ഥാപിക്കുന്നതിനായി ഇലക്ട്രിസിറ്റിഅധികൃതർ സ്ഥലത്തെത്തി പണികൾ ആരംഭിച്ചു. ആറ്റിങ്ങൽ പോലീസ് സ്ഥലത്തെത്തി അപകടം നടന്ന വാഹനങ്ങൾ റോഡിന്റെ വശങ്ങളിലേക്ക് മാറ്റി ഗതാഗതം പുനസ്ഥാപിച്ചു.
