കോട്ടയം: പട്ടാപ്പകൽ ബസ്റ്റാൻഡിൽ നിർത്തിയിട്ട ബസ്സിൽ 13കാരിയെ ബസ് ജീവനക്കാരൻ പീഡിപ്പിച്ചു.പാലാ കൊട്ടാരമറ്റം ബസ് സ്റ്റാൻഡിലാണ് സംഭവം.ആൾ ഇല്ല എന്ന കാരണം പറഞ്ഞ് ട്രിപ്പ് മുടക്കി പതിമൂന്ന് കാരിയെ വിളിച്ചുവരുത്തി പീഡിപ്പിച്ച കോട്ടയം സംക്രാന്തി തുണ്ടിപ്പറമ്പിൽ അഫ്സലിനെ പാലാ പോലീസ് അറസ്റ്റ് ചെയ്യുകയായിരുന്നു.പീഡനത്തിന് സഹായം ചെയ്തകട്ടപ്പന സ്വദേശി എബിനെയും പോലീസ് സ്റ്റാൻഡിൽ നിന്ന് അറസ്റ്റ് ചെയ്തു.വിവാഹിതനായ അഫ്സൽ അക്കാര്യം മറച്ചുവെച്ച് പ്രണയം നടിച്ച് ശേഷം വിളിച്ചുവരുത്തി സ്റ്റാൻഡിൽ തന്നെ പാർക്ക് ചെയ്തിരുന്ന ബസ്സിനുള്ളിൽ വച്ച് പീഡിപ്പിക്കുകയായിരുന്നു. പാല ഡി.വൈ.എസ്.പി ഷാജി ജോസിന് കിട്ടിയ രഹസ്യ വിവരത്തിന്റെ അടിസ്ഥാനത്തിൽ സ്റ്റേഷൻ ഹൗസ് ഓഫീസർ കെ.പി തോംസൺന്റെ നേതൃത്വത്തിലുള്ള പോലീസ് സംഘം എത്തി പ്രതികളെ അറസ്റ്റ് ചെയ്യുകയായിരുന്നു.
