കല്ലമ്പലം: വാഹനാപകടത്തിൽ ഇരുചക്ര വാഹന യാത്രികനും ഭാര്യക്കും പരിക്ക്.
ഇടിച്ചകാർ നിർത്താതെ പോയി. നാവായിക്കുളം ഐരമൺനില ബെൻസി മൻസിലിൽ അൻഫർ ഖാൻ (37), ഭാര്യ അസ്ന (21), എന്നിവർക്കാണ് പരിക്ക്. മകൾ ആദിയ ഫാത്തിമ പരിക്കില്ലാതെ രക്ഷപ്പെട്ടു. ശനിയാഴ്ച രാത്രി 7.15-നാണ് അപകടം. ഇവർ സഞ്ചരിച്ച ഇരുചക്ര വാഹനത്തിൽ ഓവർടേക്ക് ചെയ്തു വന്ന കാറിന്റെ പിൻഭാഗം ഇടിക്കുകയും അൻഫറും കുടുംബവും റോഡിൽ വീഴുകയുമായിരുന്നു.കാർ നിർത്താതെ അമിത വേഗതയിൽ കടന്നു പോയി. അൻഫർഖാൻ്റെ വലത് കാലിനും ഭാര്യ അസ്നക്ക് തലയ്ക്കുമാണ് പരിക്കേറ്റത്. ഇവരെ പാരിപ്പള്ളി മെഡിക്കൽ കോളേജിലും അവിടെ നിന്നും തിരുവനന്തപുരം മെഡിക്കൽ കോളേജിലക്കും പ്രവേശിപ്പിച്ചു.
