തിങ്കളാഴ്ച രാവിലെ 11 മണിയോടെ മണമ്പൂർ ഗ്രാമപ്പഞ്ചായത്തോഫീസിനു മുന്നിൽനിന്നാണ് ഗിരീഷിന്റെ നേതൃത്വത്തിലുള്ള സംഘം സുധീറിനെഡൽഹി രജിസ്ട്രഷൻ ബി എം ഡബ്ലിയു കാറിൽ തട്ടിക്കൊണ്ടുപോയത്. സുധീറിനെ ആയുധങ്ങളുപയോഗിച്ച് കാറിലിട്ട് മർദിച്ച് അവശനാക്കുകയായിരുന്നു. സംഭവമറിഞ്ഞ ഉടൻതന്നെ പ്രതികളുടെ കാർ പിന്തുടർന്ന് ഒരുമണിക്കൂറിനകം സാഹസികമായി കടയ്ക്കാവൂർ പോലീസ് പെരുങ്കുളത്തുവെച്ച് പ്രതികളെ സഹസികമായി പിടികൂടുകയായിരുന്നു. കാറും കസ്റ്റഡിയിലെടുത്തു. മുൻ വൈരാഗ്യമാണ് ആക്രമണത്തിനു കാരണമെന്ന് പോലീസ് പറഞ്ഞു. മുഖ്യപ്രതി ഗിരീഷ് ഒരു കൊലപാതക കേസിലെ പ്രതിയാണ്. മറ്റുള്ളവർ കഞ്ചാവ് കേസിലും നിരവധി അടിപിടി കേസുകളിലെയും പ്രതികളാണ്. വർക്കല ഡിവൈ.എസ്.പി. നിയാസ്, കടയ്ക്കാവൂർ എസ്.എച്ച്.ഒ. വി.അജേഷ്, എസ്.ഐ. ദീപു തുടങ്ങിയവരുടെ നേതൃത്വത്തിൽ പിടികൂടിയ പ്രതികളെ കോടതി റിമാൻഡ് ചെയ്തു.
