വിഷമില്ലാത്ത പാമ്പാണ് താരത്തെ കടിച്ചത് എന്നാണ് റിപ്പോര്‍ട്ടുകള്‍. താരത്തിന് മറ്റ് ആരോഗ്യപ്രശ്‌നങ്ങളൊന്നും ഇല്ലാത്തതിനാല്‍ ആശുപത്രിയില്‍ നിന്ന് ഡിസ്ചാര്‍ജ് ചെയ്തു. ഇപ്പോള്‍ വീട്ടില്‍ ബെഡ് റെസ്റ്റിലാണ് താരം. നാളെ പിറന്നാള്‍ ആഘോഷിക്കാനിരിക്കുന്ന താരം അടുത്ത ബന്ധുക്കള്‍ക്കും സുഹൃത്തുക്കള്‍ക്കുമൊപ്പമാണ് ഫാം ഹൗസില്‍ എത്തിയത്. പൂന്തോട്ടത്തില്‍ സുഹൃത്തുക്കള്‍ക്കൊപ്പം സംസാരിച്ച്‌ ഇരിക്കുന്നതിനിടയില്‍ കൈയില്‍ എന്തോ കടിക്കുകയായിരുന്നു. തുടര്‍ന്ന് നടത്തിയ പരിശോധനയിലാണ് പാമ്പിനെ കണ്ടെത്തിയത്.
ഉടന്‍ താരത്തെ കമോത്തെ ആശുപത്രിയിലേക്കു കൊണ്ടുപോയി. എന്നാല്‍ ഫാം ഹൗസില്‍ നിന്ന് ആശുപത്രിയിലേക്ക് ആറു- ഏഴു മണിക്കൂര്‍ ദൂരമുണ്ട്. വനമേഖല കൂടി ഉള്‍പ്പെട്ടതാണ് സല്മാന് ഖാന്റെ വമ്പൻ ഫാംഹൗസ്. ഫാമില്‍ നേരത്തേയും നിരവധി പാമ്പുകളെ കാണുമായിരുന്നെന്നും ജീവനക്കാരോട് എപ്പോഴും മുന്നറിയിപ്പു നല്‍കാറുണ്ടായിരുന്നു എന്നും സല്‍മാന്റെ അടുത്ത വൃത്തങ്ങള്‍ വ്യക്തമാക്കി. ഇത് ആദ്യമായാണ് സല്മാന് പാമ്പുകടിയേൽക്കുന്നത്. പിറന്നാള്‍ ആഘോഷിക്കാനാണ് ഫാം ഹൗസില്‍ താരമെത്തിയത്.
