മദ്യലഹരിയിൽ നിരവതി വാഹനങ്ങളെ ഇടിച്ച ശേഷം നിർത്താതെ പോയ ആട്ടോയെ നാട്ടുകാർ പിടികൂടി പൊലീസിൽ ഏൽപിച്ചു. ഇന്ന് വൈകുന്നേരം നാലര മണിയോടുകൂടി കിളിമാനൂർ പുതിയകാവിലാണ് സംഭംവം അരങ്ങേറിയത്. കിളിമാനൂരിൽ നിന്ന് ചെങ്കിക്കുന്നിലേയ്ക്ക് വരുകയായിരുന്ന ആട്ടോ സരളാ ആശുപത്രിക്ക് സമീപം നിരവതി വാഹനങ്ങളിൽ ഇടിച്ച ശേഷം ബൈക്കിൽ നിന്നിറങ്ങുകയായിരുന്ന വെള്ളല്ലൂർ സ്വദേശിയെ ഇടിച്ചിടുകയും അതിന് ശേഷം പുതിയകാവ് ജംഗക്ഷനിൽ റോഡിൻ്റെ വശത്തായി നിർത്തിയിട്ടിരിക്കുകയായിരുന്ന സിഫ്റ്റ് കാറിൻ്റെ പുറകിൽ ഇടിച്ച ശേഷം നിർത്താതെ പോവുകയായിരുന്നു. കാറിലുണ്ടായിരുന്നവർ ആട്ടോയുടെ നമ്പർ കുറിച്ചെടുത്ത് നൽകിയതിൻ്റെ അടിസ്ഥാനത്തിൽ ചെങ്കിക്കുന്ന് വളവിന് സമീപത്ത് വച്ച് നാട്ടുകാർ വണ്ടി തടഞ്ഞു നിർത്തിയെങ്കിലും ഡ്രൈവർ ഓടി രക്ഷപ്പെടുകയായിരുന്നത്രേ. ഡ്രൈവർ മദ്യലഹരിയിൽ ആയിരുന്നതായി നാട്ടുകാർ പറഞ്ഞു. കിളിമാനൂർ പൊലീസ് വാഹനം കസ്റ്റഡിയിൽ എടുത്ത് മേൽനടപടികൾ സ്വീകരിച്ചു.
