എൽ പി വിഭാഗത്തിൽ നിന്നും മടവൂർ ജി.എൽ.പി സ്കൂളിലെ ദക്ഷ് ദേവിക് എം.ഡി യും യു.പി വിഭാഗത്തിൽ നിന്നും മടവൂർ എൻ.എസ്.എസ് എച്ച് എസ്.എസിലെ അനന്യ.പി.എസും ഹൈസ്കൂൾ വിഭാഗത്തിൽ നിന്നും കൊടുവഴന്നൂർ ജി.എച്ച്.എസ്.എസിലെ നീലാഞ്ജന.എൻ.ഡി യും ഹയർസെക്കൻഡറി വിഭാഗത്തിൽ നിന്നും കിളിമാനൂർ ജിഎച്ച്എസ്എസിലെ അദ്വൈത്.പി.എസും ഒന്നാം സ്ഥാനത്തിന് അർഹരായി. ഒന്നാം സ്ഥാനം നേടിയ വിദ്യാർത്ഥികൾക്ക് ജില്ലാ തലത്തിലുള്ള ക്വിസ് മത്സരത്തിൽ പങ്കെടുക്കാവുന്നതാണ്. ഉപജില്ലാ തലത്തിൽ ഓരോ വിഭാഗത്തിൽ നിന്നും ഒന്നും രണ്ടും മൂന്നും സ്ഥാനം നേടിയവർക്ക് മൊമെന്റോ നൽകി. പങ്കെടുത്ത എല്ലാ വിദ്യാർഥികൾക്കും സർട്ടിഫിക്കറ്റ് നൽകി. ക്വിസ് മാസ്റ്ററായ ബി. ജയകുമാരൻ ആശാരിയുടെ നേതൃത്വത്തിലാണ് ക്വിസ് മത്സരം നടന്നത്. കിളിമാനൂർ ജി.എൽ.പി എസിലെ പ്രഥമാധ്യാപകൻ അലക്സാണ്ടർ ബേബി, ക്ലസ്റ്റർ കോഡിനേറ്റർമാരായ ജയലക്ഷ്മി.കെ.എസ്, ജയശങ്കർ.ജി എന്നിവർ ആശംസകൾ നേർന്നു.
