കിളിമാനൂർ : കിളിമാനൂർ ഗവ എൽ പി എസിലെ കുട്ടികൾ ക്രിസ്മസ് ആഘോഷിച്ചു.കോവിഡ് പിടി മുറിക്കിയ ശേഷമുള്ള വിദ്യാലയത്തിലെ ആദ്യ ക്രിസ്മസ് ആഘോഷം കുട്ടികൾക്ക് ഏറെ സന്തോഷം പകർന്നു. രാജ്യത്തിൻറെ പ്രഥമ സംയുക്ത സേനാ മേധാവി ജനറൽ ബിബിൻ റാവത്തടക്കം ഹെലികോപ്റ്റർ അപകടത്തിൽ കൊല്ലപ്പെട്ട ധീര ജവാൻമാർക്ക് ആദരവ് അർപ്പിച്ചായിരുന്നു ക്രിസ്മസ് ആഘോഷം. കുട്ടികൾ നക്ഷത്രങ്ങളിൽ ജവാൻമാരുടെ ചിത്രം പതിച്ചു പ്രദർശിപ്പിക്കുകയും ആദരാഞ്ജലികൾ അർപ്പിക്കുകയും ചെയ്തു. കുട്ടികളുടെ ക്രിസ്മസ് കരോൾ സംഘം ധീര ജവാൻ മാർക്ക് സല്യൂട്ട് നൽകി ആദരിച്ചു.
പ്രഥമാധ്യാപകൻ അലക്സാണ്ടർ ബേബി ക്രിസ്മസ് ദിന സന്ദേശം നൽകി. അധ്യാപകരായ നജീമ എൻഎസ്, നിസ ജെ, രജിത ഒ, സിബി എസ്, സിന്ധു ടി ആർ, അൻസി എം സലീം, അഖില, ലാലി കെ സി എന്നിവർ ആശംസ അറിയ്ച്ചു . സ്റ്റാഫ് സെക്രട്ടറി എ ആർ ബീന നന്ദി പറഞ്ഞു.
