Kilimanoor
സർവ്വീസ് തുടങ്ങിയിട്ട് ഒരു വർഷം തികയുന്ന കെ.എസ്.ആർ.ടി.സി ബോണ്ട് 3 യുടെ വാർഷിക ആഘോഷം നാളെ നടത്തുന്നു. പോങ്ങനാട് നിന്നും തിരുവനന്തപുരത്തേയ്ക്ക് സർവ്വീസ് നടത്തുന്ന ബോണ്ട് 3 യുടെ വാർഷിക ആഘോഷമാണ് ബസിലെ സ്ഥിരം യാത്രക്കാരും ജീവനക്കാരും ചേർന്ന് നടത്തുന്നത്. നാളെ രാവിലെ എട്ട് മണിക്ക് കിളിമാനൂർ കെ.എസ്.ആർ.ടി.സി ഡിപ്പോ അങ്കണത്തിൽ നടക്കുന്ന പരിപാടി ആറ്റിങ്ങൽ എം.എൽ.എ ഒ .എസ്സ് അംബിക കേക്ക് മുറിച്ച് ഉത്ഘാടനം നിർവഹിക്കും. ആഘോഷ പരിപാടിയുടെ ഭാഗമായി ബസ്സിലെ സ്ഥിരം യാത്രക്കാരും ജീവനക്കാരും ചേർന്ന് തിരുവനന്തപുരം മെഡിക്കൽ കോളേജിൽ രക്തദാനം നടത്തും. കൂടാതെ വാമനപുരം പ്രാഥമികാരോഗ്യ കേന്ദ്രത്തിലേയ്ക്ക് ഒരു വാഷിംഗ് മെഷീനും സംഭാവനയായി നൽകുമെന്നും സംഘാടക സമിതി അറിയിച്ചു. കിളിമാനൂർ ഡി.റ്റി.ഒ കെ.കെ സുരേഷ്കുമാർ ആശംസകൾ അർപ്പിക്കും.
